Dënohet me 15 vjet heqje lirie kreu i bandës kriminale serbe

13:31 | 10 Dhjetor 2018
Arbresh.info

Një Gjykatë në Serbi e dënoi me 15 vjet burg, Darko Sariq, si kreun e një bande kriminale dhe trafikimi të kokainës.

Gjykata vendosi se ai është fajtor, për udhëheqjen e një organizate kriminale që kontrabandoi 5.7 tonë kokainë, nga Amerika e Jugut në Evropë, gjatë viteve 2008 dhe 2009.

Anëtarët tjerë të bandës u dënuan prej disa muaj deri në 15 vjet burg. Në vitin 2015, 49 vjeçari Sariq, u dënua me 20 vjet burgim, por vendimi u kthye në rigjykim.

Sariq ka deklaruar se është i pafajshëm.

Ai ka qenë në arrati që nga viti 2010, mirëpo iu dorëzua policisë serbe në mars të vitit 2014.

Shpërndaje në rrjete sociale

Lajmet më të lexuara

Të ngjashme

Foto lajm